營運者：本平台由 Alpha Innovation Tech Limited（明思創科技有限公司）營運——2021 年 2 月 9 日於香港成立，商業登記證號碼 72693665，公司註冊編號 3019375。地址：香港九龍觀塘成業街 6 號 Prosperity Place 11 樓 6 室；電話：+852 5200 4428；查詢：本站「聯絡我哋」表格（/contact/）。
01我哋收集咩資料
- 帳戶資料：姓名、電郵地址、公司名稱、職位等註冊資料。
- 查詢內容：你喺平台輸入嘅合規問題同生成嘅答案卷宗。
- 付款資料：由第三方支付處理商處理，本平台唔會儲存完整信用卡號碼。
- 技術資料：登入紀錄、裝置類型、IP 地址等用於保安同系統運作嘅資料。
- 必要 Cookies：登入 session 同安全驗證用嘅 cookies（唔用嚟追蹤或賣廣告）。
02資料用途
- 提供、維持及改進問答服務；
- 處理訂閱、收費及帳單事宜；
- 發送服務通知（例如新通函提示、答案完成通知）；
- 履行法律或監管要求。
承諾：我哋同我哋嘅人工智能服務供應商，都唔會用你嘅查詢原文訓練任何大型語言模型。我哋會用去除身分資料之後嘅使用紀錄，改進平台自有嘅檢索及質素評估功能（見第 02A 段）。除非你另行同意，否則唔會用你嘅查詢原文或者上載文件訓練我哋嘅模型。你嘅查詢內容唔會向第三方披露作其自身用途。
02A服務改進及機器學習
- 我哋會記錄每次問答嘅問題類別、檢索到嘅條文、答案、引用核對結果，同埋你嘅評分或錯答標記。
- 呢啲紀錄會先去除姓名、電郵、公司名、身分證號碼、電話、案件編號等身分資料，先會用嚟訓練平台自有嘅檢索排序同風險評估模型，從而提升答案準確度。
- 去身分化紀錄只供本平台內部使用，唔會出售，亦唔會提供俾第三方作佢哋自己嘅用途。
- 如果你喺帳戶設定同意，我哋亦會用你嘅查詢原文改進模型。你可以隨時喺設定撤回同意；撤回之後，我哋唔會再將新嘅查詢用於訓練，亦會喺下一次重新訓練時，將你嘅資料從訓練資料剔除。
- 機器學習模型只會用嚟排序條文同提示「建議人手覆核」，唔會代你作出任何決定。上載文件（例如證監會來函）一律唔用嚟訓練。
03資料披露
本平台唔會出售用戶個人資料。為提供問答服務，你嘅查詢內容會經加密傳送至我哋委聘嘅第三方人工智能服務平台（TeamoRouter），再由該平台轉交其模型供應商處理；處理地點可能喺香港以外。承轉人類別包括：人工智能模型服務供應商（TeamoRouter 及其下游模型供應商）、雲端託管商、付款處理商、電郵服務商，同埋第三方登入服務（Google／GitHub／Yahoo，只會收到你授權嘅基本資料）。另外，本網站字體由 Google Fonts 託管，瀏覽時你嘅 IP 地址會傳送至 Google。除此之外，資料只會喺以下情況披露：
- 向上述承轉人，以受保密義務約束嘅方式；
- 應法律、法院命令或監管機構嘅合法要求；
- 為保障本平台、用戶或公眾嘅權利同安全而有合理需要時。
04資料保留
- 帳戶存續期間，卷宗紀錄會一直保留俾你查閱。
- 取消訂閱後，卷宗紀錄保留 90 日，之後刪除。
- 審計紀錄（每次回答用過嘅檢索結果同核對紀錄）保存 2 年。
- 帳單及交易紀錄按法定期限保存。
- 刪除帳戶後，個人資料會喺合理時間內永久刪除或匿名化，法律要求保留嘅除外。
05資料保安
查詢內容傳輸及儲存均加密處理；存取權限按職能需要嚴格限制；管理員帳戶強制使用兩步驗證（MFA）；系統定期接受安全檢視。
06資料外洩通報
如發生可能影響你個人資料嘅保安事故，我哋會喺切實可行範圍內盡快通知受影響用戶，並按適用要求通報個人資料私隱專員公署。
07你嘅權利（PDPO）
根據 PDPO，你有權：
- 查閱本平台持有關於你嘅個人資料；
- 要求改正唔準確嘅個人資料；
- 查詢本平台嘅私隱政策及實務守則。
如需行使上述權利，請經本站「聯絡我哋」表格提交請求（主題註明「私隱資料請求」），我哋會喺 40 日內按條例要求處理。
08政策更新
本政策如有重大修改，會喺平台公布並以電郵通知。繼續使用本平台即表示接受更新後嘅政策。